Kjördæmismót Norðurlands-Eystra

Kjördæmismót Norðurlands-Eystra í skólaskák fór fram í Seiglu á Laugum síðasta vetrardag. Sex keppendur mættu til leiks í eldri flokki og stóð Arnar Smári Signýjarson uppi sem sigurvegari með fullt hús vinninga, 5 alls. Ari Ingólfsson varð í öðru sæti 4 vinninga og Björn Gunnar Jónsson varð í þriðja sæti með 3. vinninga. Arnar og Ari verða því fulltrúar Norðurlands Eystra í eldri flokki á Landsmótinu í skólaskák sem fer fram á Akureyri 4-7. maí. Í þessum flokki var það aðeins einn keppandi frá SA. Hann vann.

Lokastaðan í eldri flokki:

1. Arnar Smári Signýjarson      5 vinningar
2. Ari Ingólfsson               4
3. Björn Gunnar Jónsson         3
4. Daði Örn Gunnarsson          2
5. Davíð Þór Þorsteinsson       1
6. Stefán Bogi Aðalsteinsson    0

Fimm keppendur mættu til leiks í yngri flokki og vann Fannar Breki Kárason sigur í yngri flokki, með fullu húsi vinninga, 4 alls. Ágúst Ívar Árnason varð í öðru sæti með 3 vinninga og Gabríel Freyr Björnsson varð í þriðja sæti með 2 vinninga.  Fannar og Ágúst verða því fulltrúar Norðurlands – Eystra á Landsmótinu í skólaskák í yngri flokki. Í þessum flokki átti SA þrjá skákmenn og röðuðu þeir sér í þrjú efstu sætin.

Í þessum flokki vakti taflmennska hins unga Kristjáns Inga mikla athygli. Hann fékk mun færri vinninga en hann átti skilið.

1. Fannar Breki Kárason                                 4 vinningar
2. Ágúst Ívar Árnason                                   3
3. Gabríel Freyr Björnsson                              2
4. Kristján Ingi Smárason og Magnús Máni Sigurgeirsson 0,5

Umhugsunartíminn á mann í báðum flokkum voru, 15 mín á skák.

Mynd Kára Magnússonar sýnir sigurvegarana.

Opið hús

Á morgun, sumardaginn fyrsta, verður opið hús hjá félaginu. Tilvalið fyrir minni spámenn og skemmra komna að mæta og tefla þar sem flestir af okkar bestu skákmönnum eru fyrir sunnan að tefla á Reykjavíkurmótinu.

Herlegheitin hefjast kl. 13.00.

Metþátttaka á páskamótinu

Skáklífið á Akureyri hefur verið með fjörugasta móti nú um páskana. Góð þátttaka var í Bikarmótinu á skírdag og föstudaginn langa og páskahraðskákmótið sem fór fram í dag, annan í páskum var bæði fjölmennt og góðmennt. Alls mætti 26 keppendur til leiks og voru tefldar 12 umferðir. Í þetta sinn var Monrad gamli kallaður til leiks í röðuninni og fórst það vel úr hendi. 

Úrslitin urðu þessi:

Áskell Örn Kárason	10½
Smári Teitsson	9
Jón Kristinn Þorgeirsson	9
Sigurður Arnarson	7½
Tómas Veigar Sigurðarson	7½
Haraldur Haraldsson	7½
Benedikt Briem	7
Magnús Teitsson	7
Elsa María Kristínardóttir	7
Andri Freyr Björgvinsson	6½
Ólafur Kristjánsson	6½
Smári Ólafsson	6½
Stephan Briem	6
Ágúst Ívar Árnason	6
Hjörtur Steinbergsson	6
Sigurður Eiríksson	6
Karl Egill Steingrímsson	6
Haki Jóhannesson	6
Fannar Breki Kárason	5½
Arnar Smári Signýjarson	5
Heiðar Ólafsson	4½
Hilmir Vilhjálmsson	4
Jóel Snær Davíðsson	3
Sigurður Máni Guðmundsson	3
Ingólfur Árni Benediktsson	2
Alexía Líf Hilmisdóttir	1½

Þeir hlutskörpustu fengu páskaegg í verðlaun, bæði yngri og eldri. Fóru allir sæmilega mettir heim.