Fyrsta mót sumarsins á fimmtudaginn!

Við komum saman og og endurnýjum kunningsskap okkar við skákgyðjuna fimmtudagskvöldið 9. júní. Taflið hefst kl. 20 og allir velkomnir að venju. Tefld verður hraðskák, tímamörk 4-2. 

Það er reyndar stutt stórra högga á milli, því að blásið verður til skákmóts á Kaffi Lyst í Lystigarðinum kl. 20 á laugardagskvöld, 11. júní. Sömu tímamörk þar. Veitingar að hætti hússins, eins og vænta má. 

Skák í vor og sumar

Nú líður að lokum hinnar hefðbundnu skáktíðar. Síðustu barna- og unglingaæfingarnar verða mánudaginn 23. maí (í almennum flokki) og 24. maí í framhaldsflokki. Uppskeruhátíð með VORMÓTI (fyrir öll börn sem hefa verið að æfa með okkur í vetur, í báðum flokkum) verður svo miðvikudaginn 25. maí kl. 17.00. Þá ljúkum við vorönninni með pizzuveislu.

Í sumar er svo stefnt að a.m.k. einu hraðskákmóti í mánuði. Við byrjum þá á móti fimmtudagskvöldið 9. júní kl. 20.00.

Vert er að vekja hér athygli á undanrásum Landsmóts í skólaskák sem haldnar verða á vefþjóninum chess.com þann 19. maí kl. 18.30.  Þar er öllum börnum á grunnskólaaldri heimil þátttaka, en nauðsynlegt er að skrá þátttöku fyrirfram og sækja um notandanafn á chess.com hafi það ekki þegar verið gert. Allar nánari upplýsingar á skak.is: 
https://skak.is/2022/05/04/landsmotid-i-skolaskak-fer-fram-i-mai-undankeppnin-a-chess-com-19-mai/

Andri Freyr vann BSO-mótið.

Hið árlega BSO-mót fór fram þann 5. maí sl. Sjö keppendur mættu til leiks og tefldu tvöfalda umferð. Úrslitin:

Andri Freyr Björgvinsson     10,5 af 12

Áskell Örn Kárason           10

Elsa María Kristínardóttir    6,5

Sigurður Eiríksson            6

Smári Ólafsson                5,5

Stefán G Jónsson              3,5

Hilmir Vilhjálmsson           0