Hausthraðskákmótið á sunnudag

Nú líður að lokum haustmóts SA, síðasta umferð tefld nk. fimmtudag og hefst kl. 18. Þá eigast þessir við:
Áskell og Smári
Karl og Markús
Sigurður og Stefán.
Markús og Áskell hafa þrjá vinninga fyrir lokaumferðina: Karl og Smári tvo. 

Svo hefst klukkubarningurinn á sunnudag kl. 13, þegar teflt verður um meistaratitil félagsins í hraðskák. Tímamörk verða 4-2. Almennt borðgjald gildir, en að venju ókeypis fyrir þá ungu iðkendur sem stunda æfingar hjá félaginu. Í þetta sinn munum við einnig krýna meistara í barnaflokki, f. 2012 og síðar.