Haustmót; Áskell og Markús efstir fyrir lokaumferðina

Fjórðu umferð haustmótsins lauk í kvöld. Úrslit:
Smári-Karl (tefld í gærkvöldi)  0-1
Stefán-Áskell                   0-1
Markús-Sigurður                 1-0

Nokkuð hrein úrslit. Smára mistókst að nýta sér frumkvæði hvítu mannanna og lenti í vörn í miðtaflinu. Flétta hans í þeim tilgangi að létta á stöðunni og vinna peð reyndist tálsýn og hann tapaði manni og skákinni skömmu síðar.
Áskell fékk snemma vænlega sóknarstöðu og Stefán lenti í erfiðri vörn sem áendanum leiddi til taps. 
Markús stýrði hvítu mönnunum nokkuð örugglega til sigurs; skipti upp í vænlegt endatafl og vann það nokkuð örugglega.
Lokaumferðin verður tefld fimmtudaginn 10.október, en nú stefna flestir þátttakenda til Reykjavíkur þar sem fyrri hluti Íslandsmóts skákfélaga fer fram um helgina. Í lokaumferðinni eigast þessir við:
Karl og Markús
Áskell og Smári
Sigurður og Stefán.
Þeir Áskell og Markús eru efstir með þrjá vinninga, en Karl og Smári hafa tvo. Því gæti sú merkilega staða komið upp aö þeir fjórir yrðu jafnir í efsta sæti eftir lokaumferðina!  

Sjá annars allt á chess-results.