Barna- og unglingaæfingar að hefjast

Nú fer að styttast í það að skákæfingar barna og unglinga fari að hefjast. Æfingadagskráin lítur svona út:

Almennur flokkur (yngri börn): Æfingar á föstudögum kl. 16.30-18.00. Fyrsta æfing verður föstudaginn 25. ágúst. 

Framhaldsflokkur: Æfingar á mánudögum kl. 15.00-16.30 og á föstudögum á sama tíma. Iðkendur geta valið um einn eða tvo æfingatíma í viku.  Fyrstu æfingar föstudaginn 1. sept. og mánudaginn 4. sept. 

Frekari upplýsingar: Leiðbeinendur í vetur verða þau Elsa María Kristínardóttir, Hilmir Vilhjálmsson, Áskell Örn Kárason, Andri Freyr Björgvinsson, Rúnar Sigurpálsson og Símon Þórhallsson.
Elsa og Hilmir hafa umsjón með almenna flokknum; Áskell með mánudagsæfingum og Andri með föstudagsæfingum í framhaldsflokki.  Allir leiðbeinendur munu þó koma að æfingum að nokkru marki. 

Flokkaskiptingin: Almenni flokkurinn er fyrir byrjendur og yngri iðkendur allt að 10-11 ára aldri. Efri mörk eru þó sveigjanleg og alltaf möguleikar á vali eftir því hvað hentar hverjum og einum.  Framhaldsflokkurinn er þá fyrir eldri börnin og þau sem þegar eru komin með nokkra reynslu af því að æfa og tefla. 

Æfingagjald er kr. 9.000 (kr. 13.000 fyrir tvo tíma í viku) fyrir haustönnina og má leggjast inn á reikning félagsins 162-15-371421, kt. 590986-2169. Sjálfsagt að byrjendur fái að prófa í nokkur skipti án þess að greiða þátttökugjald.  

Skráning á netfangið [e-mail], eða í Skákheimilinu við upphaf æfingatíma.

Við stefnum svo að reglulegu mótahaldi þegar líður á önnina. Einnig verður boðið upp á einkatíma fyrir áhugasama. Til athugunar er að hleypa af stokkunum sérstökum telpnaflokki í októberbyrjun.