Evrópumót skákfélaga; tap í lokaumferðunum.

Hér kemur nokkuð síðbúinn pistill að loknu Evrópumóti skákfélaga. Sveit SA endaði í 61. sæti af 70 sveitum, nálægt sínu sæti í styrkleikaröðinni. Eftir stórsigur í 5. umferð, máttum við sætta okkur við tap 1,5-4,5 við finnskan klúbb í 6. umferð og annað tapa með sama mun gegn sveit heimamanna í Zillertal í lokaumferðinni. Í báðum tilvikum vorum við að tefla við sveit sem reiknaðist hærri á sigum en við. Það geroum við reyndar í öllum umferðunum nema einni. Þótt stigauppskeran væri þannig í rýrara lagi (4 stig af 14 mögulegum) var árangur liðsmanna i heildina heldur betri en stigatalan sagði til um, þ.e.a.s. hópurinn aflaði fleiri skákstiga en hann missti.
Það voru helst þeir Stefán Bergsson og Andri Freyr Björgvinsson sem bættu við sig stigum, en sá síðarnefndi hlaut flesta vinninga SA-manna, fjóra í sex skákum. 
Liðsmenn voru allir mjög ánægðir með þátttökuna, mótið fór vel fram og dvölin í Mayrhofen ánægjuleg, þótt árangurinn hefði í heildina mátt vera betri, eins og áður sagði.  Mótið á næsta ári verður háð í Albaníu og er a.m.k. á þessu stigi töluverður áhugi fyrir þátttöku á því móti. Málið er þó ekki einfalt, m.a. vegna mikils kostnaðar, sem eintakir liðsmenn bera að mestu sjálfir, þótt félagið hafi aðeins létt undir með þeim.

Hér fylgir mynd af sveitinni, tekin af Ingvari Þór Jóhannessyni fyrir utan skákstað í Mayrhofen fyrir síðustu umferð. Á myndina vantar Arnar Þorsteinsson en hjá má sjá í fremri röð f.v.: Rúnar Sigurpálsson, Andra Má Björgvinsson, Stefán Bergsson og Jón Kristin Þorgeirsson. Í Aftari röð Áskel Örn Kárason og Harald Haraldsson.