Evrópumót skákfélaga; skin og skúrir.

Nú er lokið fimm umferðum af sjö á þessu móti. Í þriðju umferð mættum við sænska skákklúbbnum Wasa og náðum jöfnu 3-3. Nokkuð gott gegn sveit sem er sterkari en við á pappírnum. Það sama má segja um ensku sveitina 4 NCL Sharks, sem við tefldum við í fjórðu umferð. Sú viðureign tapaðist 2-4 og höfðum við þó vinningsstöður á þeim þremur borðum þar sem skákir töpuðust. Töluverð vonbrigði þar, en samt vorum við enn að glíma við heldur stigahærri sveit. 
Í fimmtu umferð í dag komu andstæðingarnir frá Liége í Belgíu, Cercle heitir klúbburinn. Þeir með nokkuð sterka menn á tveimur efstu borðum, en við stigahærri á þeim neðri. Hér var tekið til óspilltra málanna og sigurinn 5,5-0,5 þegar upp var staðið. 
Við erum því með helming vinninga eftir fimm umferðir og fjögur stig, einn sigur og tvær jafnar viðureignir.  Árangur liðsmanna:
Jón Kristinn     1,5/5
Rúnar            1,5/5
Stefán           3/4
Arnar            1/2
Áskell           2/5
Andri            4/5 (einn andst. mætti ekki)
Haraldur         2/4

Sumsé allt til reiðu fyrir lokaumferðirnar. Hér er gott að vera og allir ánægðir.