Yngri flokkar; Markús og Sigþór Akureyrarmeistarar

Akureyrarmót yngri flokka (f. 2006 og síðar) var háð dagana 28. og 29. janúar. Sjö keppendur mættu til leiks og tefldu atskákir með umhugsunartímanum 10-5. 
Stigahæsti keppandinn, Markús Orri Óskarsson bar sigur úr býtum, fékk 5,5 vinning af sex mögulegum. Brimir Skírnisson veitti honum þó harða keppni; jafntefli varð í innbyrðis skák þeirra, en Brimir missti af einvígi um Akureyrarmeistaratitilinn þegar hann tapaði síðustu skák sinni á móti Sigþóri Árna. Með 4,5 vinning náði hann þó sínum besta árangri hingað til. Þriðji varð svo Tobias Matharel með fjóra vinninga. Í barnaflokki (f. 2011 og síðar), varð Sigþór Árni Sigurgeirsson Akureyrarmeistari með þrjá vinninga.  

Öll úrslir og mótstöfluna má finna á Chess-results.