Hið eilífa norður

Hin árlega hverfakeppni Akureyrskra skákmanna fór fram í gær, 30. desember. Skipt var í lið eftir búsetu og mörkin dregin um Þingvallastræti. 
Tefldar voru hraðskákir, s.k. bændaglíma. Norðurbandalagið (öðru nafni Liga Nord) tefldi fram átta mönnum en suðursveitin (öðru nafni Allianza del Sud) hafði aðeins sjö mönum á að skipa og barðist því við ofurefli. Hvíldu norðanliðar einn mann í hverri umferð og nýttu sér það út í ystu æsar. Það kom enda á daginn að Allianzuna þraut erindið í lokaumferðinni, sem tapaðist 2,5-4,5. Við það skaust Ligan fram úr og sigraði með 28,5 vinningum gegn 27,5. Var það af sumum talinn frekar óverðskuldaður sigur. 

Liðsskipan var sem hér segir, svo og vinningar hvers liðsmanns. Athugið að norðanmenn tefldu sjö skákir hver, sunnanmenn átta.

Liga Nord:

Rúnar Sigurpálsson         7

Jón Kristinn Þorgeirsson   6 

Símon Þórhallsson          5

Smári Ólafsson             4,5

Sigurður Arnarson          2,5

Grétar Eyþórsson           2

Arnar Smári Signýjarson    1,5

Benedikt Stefánsson        0

Allianza del Sud:

Áskell Örn Kárason         6,5

Andri Freyr Björgvinsson   5

Elsa María Kristínardóttir 5

Sigurður Eiríksson         3,5

Stefán G Jónsson           3,5

Karl Egill Steingrímsson   3

Hilmir Vilhjálmsson        1

 

Næst verða töflin tekin fram á morgun, nýjársdag kl. 14.00, hið árlega Nýjársmót. 

Óskum við svo öllum árs og friðar.