Mót á næstunni - ný mótaröð á Netinu

Síðustu misseri hefur mótaáætlun ekki verið lögð fram á samam hátt og áður, m.a. vegna þeirra óvissu sem fylgir Covid-ástandi. Haistmótið stendur nú yfir og lítið um önnur mót rétt á meðan. Þetta hefur þó verið ákveðið um næstu mót:

25. október, lokaumferð haustmóts

1. nóvember, kl. 13.00, Hausthraðskákmótið

Stefnt er að því að halda Atskákmót Akureyrar í nóvember, nánari dagsetning liggur ekki fyrir.

Þá mun nú á föstudaginn hefjast ný mótaröð SA á Netinu. Teflt verður á netþjóninum chess.com með s.k. arena-fyrirkomulagi og verður mótið opið öllum. Hvert mót stendur í 90 mínútur og verður umhugsunartími í hverri skák 3-2. Ráðgert er að halda alls 9 mót með þessum hætti, eitt mót í mánuði. Einhver lítilsháttar verðlaun verða í boði, en það verður auglýst nánar síðar. 

Fyrstu þrjú mótin hafa þegar verið dagsett:

Mót 1: Föstudaginn 16. október kl. 20-21.30

Mót 2: Föstudaginn 13. nóvember kl. 20-21.30

Mót 3: Föstudaginn 11. desember kl. 20-21.30 

Mótið:
https://www.chess.com/live#r=540656 

Hvernig tek ég þátt?

Nýliðar þurfa að ganga í hópinn https://www.chess.com/club/skakfelag-akureyrar á Chess.com áður en keppnin hefst. (Mælum með því að gera það tímanlega til að þið komist örugglega í mótið)

Tengill á mótið sjált er hér að ofan, en þá má einnig finna í “Tournaments” flipanum á Chess.com/live áður en mótið hefst.