Jón Kristinn og fóstbræður

Nokkrar frestaðar skákir voru tefldar á haustmóti SA í kvöld og lauk þá fjórðu og næstsíðustu umferð úrslitakeppninnar. Leikar í 4. umferð fóru þannig:

Jón Kristinn-Hreinn      1-0

Elsa María-SigurðurE     1-0

SigurðurA-Andri          1-0

Fannar-Karl              0-1

Haki-Arnar               1-0

Hilmir-Gabríel           0-1

Keppendur standa þétt saman fyrir lokaumferðina í A-úrslitum. Fráfarandi meistari getur þó haldið í titilinn með sigrí í sinni skák, því hann er einn efstur með 3 vinninga. Næstur kemur Sigurður Arnarson með 2,5;  Andri hefur 2 og aðrir keppendur 1,5. 

Í B-úrslitum er útlit fyrir æsispennandi lokasprett því það hafa þeir fóstbræður Karl og Haki 3,5 vinning og hafa stungið yngri mennina af. Þeir Arnar og Fannar hafa 2 vinninga, Gabríel 1 og Hilmir er enn án vinninga. 

Fimmta og síðasta umferð verður tefld fimmtudaginn 13. október kl. 18 og leiða þá þessi(r) saman gæðinga sína:

SigurðurE og Jón Kristinn

Hreinn og Sigurður A

Andri og Elsa María

Karl og Hilmir

Arnar og Fannar

Gabríel og Haki

Áhorfendur eru velkomnir - frítt inn í boði Norðurljósasetursins á Kárhóli. 

Sjá nánar á Chess-results

A-úrslit

B-úrslit