Bikarmót

Á uppstigningardag kl. 20 munu skákmenn stilla upp fyrir hina stórskemmtilegu bikarkeppni Skákfélags Akureyrar. Dagurinn verður því einnig einskonar uppstillingardagur. Tefldar verða atskákir (25 mín per skák) og dregið um andstæðinga fyrir hverja umferð. Framhald keppninnar verður á sunnudag kl. 13 og á mánudag kl. 20 ef þörf krefur.Teflt verður með útsláttarfyrirkomulagi þannig að sá sem tapað hefur þrisvar sinnum fellur úr keppni. Jafntefli telst hálft tap. Sigurvegari verður sá sem síðast fellur úr keppni.
Allir velkomnir.