Fjör í firmakeppni

Í gærkvöldi var keppt í lokariðli Firmakeppni Skákfélagsins. Sex skákmenn tefldu fyrir sex síðustu fyrirtækin, tvöfalda umferð, allir við alla.  Símon Þórhallsson var vel tengdur á þessu móti og bar sigur úr bítum fyrir fyrirtækið Tengir. Hann hlaut 9 vinninga af 10 mögulegum. Í 2. sæti varð Jón Kristinn Þorgeirsson. Hann sýndi sýna norðlensku seiglu og hlaut 7,5 vinninga. Hann keppti fyrir Norðlenska. Andri Freyr Björgvinsson tefldi af miklu öryggi og tryggði sér 3. sæti. Hann tefldi fyrir Sjóvá.

 

 

 

Lokastöðuna má sjá hér að neðan.

1. Tengir (Símon Þórhallsson) 9 vinningar
2. Norðlenska (Jón Kristinn Þorgeirsson) 7,5 vinningar
3. Sjóvá (Andri Freyr Björgvinsson) 4,5 vinningar

4.-5. Fasteignasalan Byggð (Haki Jóhannesson) og Samherji (Sigurðu Arnarson) 4 vinningar

6. Bakaríið við brúna (Karl Steingrímsson) 1 vinningur

 

Úrslitaviðureignin fer fram á sunnudaginn og eru allir, sem vetlingi geta valdið, hvattir til að mæta.