TM-spenna

Í gær fór fram 5. umferð TM-mótaraðarinnar. Því var það einkar viðeigandi að aðeins 5 keppendur mættu til leiks. Stjórnin veltir því fyrir sér að halda næst 17. umferð til að fjölga keppendum. Rétt er þó að geta þess að margir skákmenn hafa teflt mikið undanfarið og kann það að varpa ljósi á fámennið. Tefld var þreföld umferð, allir við alla. Mikil spenna var í baráttunni um efsta sætið. Fyrir lokaumferðina hafði Smári Ólafsson hálfs vinnings forskot á Jón Kristinn Þorgeirsson. Jón vann sína skák og var þá kominn upp fyrir Smára. Andstæðingur smára teygði sig eftir peði í miðtaflinu en smári náði öruggu frumkvæði. Svo fór að varnir peðagleyparans brustu og Smári fékk yfirburða stöðu og með drottningu á móti hrók. Þegar Smári átti lítið eftir nema að landa aflanum skildi hann kóng sinn eftir í skák og lék ólöglegum leik. Þar með tapaði hann gjörunni skák og Jón hrósaði sigri.

Lokastaðan varð þessi

Jón Kristinn Þorgeirsson 9 vinningar af 12 mögulegum

Smári Ólafsson 8,5 vinningar

Sigurður Arnarson 8 vinningar

Haki Jóhannesson 3,5 vinningar

Karl Steingrímsson 1 vinningur