TM-mótaröðin

Í dag fór fram þriðja umferð TM-mótaraðarinnar. Fyrst tefldu 6 skákmenn tvöfalda umferð af hraðskák og síðan var einum skákmanni skipt út og þá var tefld ein umferð til viðbótar. Alls voru því 15 vinningar í boði.

Í fyrri hlutanum fóru leikar svo að Jón Kristinn sigraði alla sína keppinauta og hlaut 10 vinninga. Næstur honum kom Sigurður Arnarson með 7,5 vinninga. Þriðji var Haki Jóhannesson með 3,5 vinninga en Sigurður Eiríksson, Haraldur Haraldsson og Sveinbjörn Sigurðsson fengu 3 vinninga hver.

Í seinni hlutanum fóru leikar þannig að Jón sigraði með 4 vinninga af 5 mögulegum. Í deildu 2. sæti voru þeir nafnar Arnarson og Eiríksson með 3 vinninga. Síðan Haraldur og Hreinn Hrafnsson (sem leysti Haka af) með 2,5 vinninga en restina rak Sveinbjörn sem ekki hlaut vinning í seinni umferðinni þrátt fyrir góð tilþrif.

Heildarstöðuna má sjá hér að neðan. Jón Kristinn er kominn á kunnuglegar slóðir.

	14.jan	24.jan	7.feb	Samtals
Jón Kristinn Þorgeirsson	7	5	14	26
Haraldur Haraldsson	7	8	5,5	20,5
Símon Þórhallsson	8	11		19
Sigurður Arnarson	5	3	10,5	18,5
Sigurður Eiríksson		5	6	11
Áskell Örn Kárason		10		10
Hreinn Hrafnsson		1	2,5	3,5
Haki Jóhannesson			3,5	3,5
Sveinbjörn O. Sigurðsson			3	3
Smári Ólafsson	2			2
Karl Egill Steingrímsson	1			1