Símon að stinga af?

Í gær fór fram 2. umferð TM-mótaraðarinnar. 7 kappar mættu til leiks og börðust á hvítum reitum og svörtum með 5 mín umhugsunartíma á hverja skák. Tefld var tvöföld umferð.

Úrslit urðu sem hér segir:

Símon þórhallsson 11 vinningar

Áskell Örn Kárason 10

Haraldur Haraldsson 8

Jón Kr. Þorgeirsson og Sigurður Eiríksson 5

Sigurður Arnarson 3 (tapaði 8 skákum í röð sem sennilega er persónulegt met í hraðskák)

Hreinn Hrafnsson 1

 

Heildarstaðan er þannig að Símon er efstur, enda hefur hann unnið bæði mótin. Hann hefur nú 19 vinninga. Annar er Haraldur Haraldsson með 15 en Jón Kristinn, sigurvegari frá því síðast og þar síðast, er þriðji með 12 vinninga.

3. umferð TM-mótaraðarinnar fer fram 7. febrúar.