Haraldur í ham

Í kvöld fór fram 10 mínútna mót hjá félaginu. Mótið tók þó mun lengri tíma en 10 mínútur og er það eitt af undrum skáklistarinnar. 8 keppendur mættu til leiks og tefldu einfalda umferð. Allir skákmennirnir reittu hver af öðrum nema Haraldur Haraldsson sem bar höfuð og herðar yfir keppinauta sína og sigraði með 6,5 vinninga í 7 skákum. Hann leyfði aðeins eitt jafntefli í síðustu skákinni gegn Karli Agli Steingrímssyni en aðra kappa lagði hann af velli.

Lokastaðan varð þessi:
Haraldur Haraldsson 6,5 vinningar

Sigurður Arnarson og Ólafur Kristjánsson 5 vinningar

Ingimar Jónsson 3,5 vinningar

Sigurður Eiríksson og Smári Ólafsson 2,5 vinningar

Karl Egill Steingrímsson 2 vinningar

Kristinn P. Magnússon 1 vinningur.