Hverfakeppnin 2015.

Í gær fór fram hin árlega hverfakeppni Skákfélags Akureyrar. Eins og verið hefur hin síðari ár var skipt í tvö lið. Í öðru eru íbúar norðan Glerár ásamt íbúum Eyrarinnar. Í hinu liðinu eru íbúar sunnan Glerár. Liðin ganga undir nöfnunum Þorpið og Brekkan.

Vakti það athygli manna hvað þorparar voru á allan hátt gjörvulegri og glæsilegri á velli en Brekkusniglar en þó sannaðist þar hið fornkveðna að sitt er hvað gæfa og gjörvileiki.

Fyrst var tefld ein 15 mín. skák og síðan hraðskák, bændaglíma.

Forfoll voru í báðum liðum og fór svo að lokum að 9 keppendur kepptu fyrir Þorpið en 10 fyrir Brekkuna. Sat einn Brekkusnigill því yfir í hverri umferð.

Í 15 mín skákunum fóru leikar þannig að Brekkusniglar höfðu betur á efstu borðunum en breiddin var meiri hjá Þorpurum. Það þarf ekki að koma á óvart og blasir við ef þeir nafnar Arnarson og Eiríksson eru skoðaðir á velli.
Úrslit urðu sem hér segir:

Rúnar Sigurpálsson         1-0         Ólafur Kristjánsson

Áskell Örn Kárason         1-0         Sigurður Arnarson

Jón Kristinn                        1-0         Smári Ólafsson

Andri Freyr                        0-1         Sigurður Eiríksson

Sveinbjörn Sigurðs.        0-1         Ingimar Óskarsson

Kristinn P. Magnúss       0-1         Hjörleifur Halldórsson

Haki Jóhannesson           1/2         Eymundur Eymundsson

Karl Steingrímsson          0-1         Sveinn Pálsson

Einar Garðar                      1-0         Hreinn Hrafnsson

Heildarúrslitin í 15 mín. skákkeppninni urðu því jafntefli. Hvort lið hlaut 4,5 vinninga.

Þá upphófst hraðskákkeppnin. Þar brettu Brekkubúar svo sannarlega upp ermarnar og nánast kjöldrógu Þorparana í fyrstu 2 umferðunum. Unnu þeir þær báðar með 7 vinningum gegn 2. Hafði Brekkan því 10 vinninga forskot eftir tvær umferðir. Eftir það jafnaðist keppnin nokkuð og höfðu ýmsir betur en keppnin náði aldrei að verða spennandi eftir þessa útreið. Heildarúrslitin urðu þau að Brekkan sigraði með 46,5 vinninga gegn 34,5 vinningum Þorpsins.

Úrslit einstakra skáka urðu sem hér greinir:

Þorpið og Eyrin/Brekkan	Rúnar Sigurpálsson	Áskell Örn Kárason	Jón Kristinn Þorgeirsson	Andri Freyr Björgvinsson	Sveinbjörn Óskar Sigurðsson	Kristinn P. Magnússin	Einar Garðar Hjaltason	Haki Jóhannesson	Karl Egill Steingrímsson	Einar Guðmundsson
Ólafur Krisjánsson	0		0	0	1	1	1	1	1	1		6
Sigurður Arnarson	0	1		1	1	1	1	1	1	1		8
Smári Ólafsson	0	0	0		0	1	1	0	1	1		4
Sigurður Eiríksson	1	0	0	0		1	1	0	1	1		5
Ingimar Óskarsson	0	0	0	0	1		0	0	1	1		3
Hjörleifur Halldórsson	0	0	0	0	0,5	0	0		1	1		2,5
Eymundur Eymundsson	0	0	0	0	0	0	0	0		1		1
Sveinn Pálsson	0	0	0	0	1	1		0,5	0	1		3,5
Hreinn Hrafnsson		0	0	0	1	0	0	0	0,5	0		1,5
	7	7	8	7	2,5	3	4	5,5	1,5	1			46,5
												34,5

 

Hver Brekkusnigill tefldi 8 skákir en hver Þorpari 9. Eins og sjá má á töflunni skáru fjórir úr liði Brekkunnar sig nokkuð úr. Það voru þeir Jón Kristinn Þorgeirsson sem sigraði alla sína andstæðinga og hlaut 8 vinninga af 8 möguleum í hraðskákinni. Rúnar, Áskell og Andri hlutu allir 7 vinninga úr 8 skákum. Rétt er einnig að geta árangurs Haka Jóhannessonar sem hlaut 5,5 vinninga í 8 skákum

 Í liði Þorpara stóð Sigurður Arnarson sig best í hraðskákinni og hlaut 8 vinninga í 9 skákum. Ólafur Kristjánsson hlaut 6 vinninga og Sigurður Eiríksson 5 vinninga.

 

Að lokum er rétt að minna á að á morgun, nýársdag 2016, fer fram hið árlega nýársmót. Hefst það kl. 14.00 eða klukkustund síðar en flest mót Skákfélagsins á frídögum. Búist er við fjölmenni.