Jokkó aftur á beinu brautina!

Í gær fór fram 10 mín. mót hjá Skákfélaginu. Átta þátttakendur mættu til leiks og þar af tvær konur.

Úrslit urðu sem hér segir: Yngstu karlkyns þátttakendurnir röðuðu sér í þrjú efstu sætin í öfugri aldursröð en sigur Jóns Kristins var öruggur. Það var alveg sama hvað honum tókst að fá vondar stöður. Hann vann allt.

Jón Kristinn Þorgeirsson 7 vinningar af 7 mögulegum

Símon Þórhallsson 5,5

Sigurður Arnarson 5

Elsa María Kristínardóttir og Smári Ólafsson 3

Sveinbjörn Sigurðsson 2,5

Karl Egill Steingrímsson 2

Hulda Vilhjálmsdóttir 0

Þrátt fyrir að Hulda hafi ekki náð í vinning að þessu sinni tefldi hún ljómandi vel og lét ekki reynsluleysið halda sér frá skákborðinu.

Næsta mót fer fram á sunnudaginn. Þá verða tefldar skákir með 15 mín. umhugsunartíma.