Eldri skákmenn í ham

Í kvöld var teflt í Mótaröðinni eins og svo oft áður á fimmtudögum. Meðalaldurinn var nokkuð hár enda eru Jokkó og Símon í útlöndum. Ólafur Kristjánsson bar sigur úr bítum og hlaut 11 vinninga í 12 skákum. Í 2. sæti varð Áskell Örn Kárason með 9,5 vinninga og í því 3. varð Þór Valtýsson með 8 vinninga. Aðrir stóðu þeim langt að baki.
Það var sérlega ánægjulegt að bæði Þór og Óli mættu til leiks en hundfúlt að láta þá rúlla sér upp.