Áskell vann Startmótið

Hið árlega startmót félagsins var haldið næstsíðasta dag ágústmánaðar og markar mótið að venju upphaf skákvertíðarinnar hér nyrðra. Flautað var til leiks kl. 13 en þá voru níu keppendur mættir til leiks - þannig að greinilegt er að ekki eru allir skákskörungar enn vaknaðir af sumardvala. Tefld var tvöföld umferð, en vegna anna þurfti Smári Ólafsson að draga sig í hlé eftir fyrri hlutann, þá komin með þrjá og hálfan vinning. Úrslit urðu annars sem hér segir:

Áskell Örn Kárason	13
Jón Kristinn Þorgeirsson	10½
Símon Þórhallsson	10
Haraldur Haraldsson	9
Sigurður Arnarson	8½
Sveinbjörn Sigurðsson	4½
(Smári Ólafsson	3½)
Sigurður Eiríksson	3
Karl Steingrímsson	2