Jón Kristinn og Gabríel Freyr umdæmismeistarar

Umdæmismót í skólaskák var teflt á Laugum í Þingeyjarsveit nú á laugardaginn. Þar voru skákfélagsmenn framarlega og unnu sigur í báðum aldursflokkum.

Lokastaðan í eldri flokki (8-10. bekkur)

1. Jón Kristinn Þorgeirsson           4 af 4
2. Benedikt Stefánsson                  3
3. Jón Aðalsteinn Hermannsson         2
4. Ari Rúnar Gunnarsson               1
5. Eyþór Kári Ingólfsson              0

Sigur Jóns Kristins Lundskælings kom ekki á óvart og Benedikt Þelskælingur hreppti annar sætið einnig nokkuð örugglega.

Á myndinni má sjá þá félaga eigast við.

Í yngri flokki (1-7. bekk) var lokastaðan þessi: 

1. Gabríel Freyr Björnsson                5 af 6
2. Gunnar Breki Gíslason                  4,5
3-4. Björn Gunnar Jónsson                 3
3-4. Tumi  Snær Sigurðsson                3
5. Ari Ingólfsson                            2,5
6. Magnús Máni Sigurgeirsson              2 
7. Auðunn Elfar Þórarinsson               1

Gabríel, sem er í 5. bekk í Brekkuskóla, tapaði sinni fyrstu skák fyrir Auðunni Lundskælingi, sem þar með stimplaði sig rækilega inn í baráttuna um sigurinn, enda verið í stöðugri framför að undanförnu. Í framhaldinu gerðist þó það óvænta að Gabríel vann allar skákirnar sem eftir voru og en Auðunn tapaði öllum sínum! Breki bekkjarbróðir hans var hinsvegar fantastuði var aðeins hálfum vinningi frá efsta sætinu þegar upp var staðið. Tumi Sigurðsson úr Brekkuskóla telfdi þarna á sínu fyrsta alvöru móti og stóð sig framar vonum, lenti í þriðja sæti ásamt Birni Jónssyni frá Laxamýri.  Auðunni gekk allt í mót í þetta sinn en hann mun ætla sér stærri hlut á næsta móti.

Á myndinni sjást allir þrír verðlaunahafar SA í þessum flokki; Gabríel fylgist með þeim Breka (t.v.) og Tuma tefla.

Með þessum úrslitum hafa þeir Jón Kristinn, Benedikt og Jón Aðalsteinn unnið sér keppnisrétt á Landsmótinu í skólaskák í eldri flokki og Gabríel Freyr í yngri flokki. Mótið fer fram á Selfossi dagana 30. apríl til 3. maí nk.