Jokkó með jafntefli gegn indverskum stórmeistara

Fimmtudagur, 12. mars 2015

Í kvöld lauk 4. umferð Opna Reykjavíkurmótsins í skák. Allir okkar 12 þátttakendur tefldu í dag og eru nú allir komnir á blað. Hæst ber árangur Jóns Kristins(2177). Hann hafði svart gegn indverska stórmeistaranum Grover Sahaj (2519) og gerði við hann jafntefli! Hann er með 2,5 vinninga og hefur teflt við titilhafa með yfir 2400 skákstig í þremur síðustu umferðunum. Með árangrinum hefur hann nú unnið sér inn 46 skákstig.

Í beinni útsendinug tefldi Mikael Jóhann (2138) með hvítu við franska stórmeistarann Fabien Libiszewski (2514) og stóð lengst af ágætlega. Í þetta skiptið ákvað hann að koma ekki á óvart og tefldi enska leikinn. Skömmu fyrir tímamörkin í 40. leik lék hann ónákvæmt og fékk verri stöðu. Hann þurfti að játa sig sigraðan eftir 56 leiki. Mikki hefur 2,5 vinninga og 16 stig í plús.

Jón Kristinsson (2251) hafði hvítt gegn hinum kunna armenska stórmeistara Sergei Movsesian (2665). Stórmeistarinn fór með sigur af hólmi. Jón hefur 2 vinninga.

Stefán Bergsson (2063) stýrði svarta liðsaflanum gegn nafna sínum; belgíska, alþjóðlega meistaranum Stef Soors (2408). Belginn sigraði. Stebbi hefur 2 vinninga.

Áskell Örn (2274) hafði svart gegn góðvini Skákfélagsins, sjálfum Gauta Páli Jónssyni (1968) og bar af honum sigurorð. Áskell hefur nú 2,5 vinninga.

Gylfi (2084) hefði einnig svörtu mennina í sinni skák. Hún var gegn Birni Hólm Birkissyni (1845) og hafði Gylfi sigur. Hann hefur 2 vinninga en hefur tapað 15 skákstigum.

Símon (2009) var einnig með svart. Hann lagði Sigurjón Haraldsson (1833) og er nú með 2 vinninga og 10 skákstig í gróða.

Þór stýrði svöru mönnunum gegn Pólverja að nafni Dustin Tennessee Opasiak (1781) og beið lægri hlut. Hann hefur einn vinning og hefur tapað rúmum 15 skákstigum það sem af er.

Ulker (1645) stýrði hvíta hernum gegn Eivind X Djurhuus (2077) frá Noregi og bar lægri hlut frá borði. Hún er með 1,5 vinninga og hefur tapað 6 skákstigum.

Haraldur (1948) hafði hvítt og mátti sætta sig við jafntefli gegn hinni bráðefnilegu Veroniku SteinuKarl Egill (1720) hlaut sinn fyrsta vinning í kvöld er hann lagði Jón Þór Lemery (1273) með hvítu mönnunum.

Óskar Long (1574) hafði svart gegn enskri skákkonu að nafni Susan Chadwick (1370). Hann sigraði í sinni skák og fékk sinn fyrsta vinning. Með sigrinum vann hann upp stigatapið úr fyrri umferðum.

Skákir okkar fólks úr fyrstu þremur umferðunum:

Veljið skák (32 alls):

Flokkur: Spil og leikir | Breytt s.d. kl. 23:24 | Facebook

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um félagið

Skákfélag Akureyrar

Skákfélag Akureyrar var stofnað 10. febrúar árið 1919 og er meðal elstu félaga á Akureyri.

Félagið aðstöðu í Skákheimilinu í Íþróttahöllinni - gengið inn að vestan (Þórunnarstrætismegin).

Áskell Örn Kárason er formaður félagsins.

Netfang formanns er askell@simnet.is og þangað má koma upplýsingum og ábendingum um efni á heimasíðuna..

Skákfélag Akureyrar

Efni

Skákfélag Akureyrar