1. umferð á Opna Reykjavíkurmótinu

Þriðjudagur, 10. mars 2015

Opna Reykjavíkurmótið hófst í dag. Úrslit okkar manna urðu eftir bókinni enda oft á tíðum mikill getumunur á milli manna í fyrstu umferð á stórum, opnum mótum. Tvær skákir okkar manna voru í beini útsendingu.

Á 2. borði tefldi Stefán Bergsson (2063) með hvítu gegn tékkneska ofurstórmeistaranum David Navara (2736) sem er næst stigahæsti keppandi mótsins. Upp kom Sikileyjarvörn og Navara svínaði peð af Stefáni sem fékk passíva stöðu þegar hann reyndi að verja annað peð. Hann gafst þá upp frekar en að líða óumflýjanlegar þjáningar.

Á 17. borði tefldi Símon Þórhallsson (2009) efnilega skák við kanadíska stórmeistarann Eric Hansen (2566) Upp kom Grunfeld-vörn og átti Símon lengi í fullu tréi við stórmeistarann en lék illa af sér í 22. leik og gafst upp skömmu síðar.

Þór Valtýsson (1974) tapaði fyrir 4. sterkasta skákmanni Ítalíu, Sabino Brunello (2540)

Íranski stórmeistarinn Pouya Idani (2496), sem er þriðji sterkasti skákmaður Írans, sigraði Harald Haraldsson (1948)

Hinn þýski Philipp Hitzler (2315) sigraði Karl Egil Steingrímsson (1720)

Hin unga og bráðefnilega Nansý Davíðsdóttir (1641) var engin fyrirstæða fyrir Áskel Örn Kárason (2274)

Felix Steinþórsson (1634) laut í gras gegn Jóni Kristinssyni (2251)

Óskar Long Einarsson (15749 lét í minni pokann gegn hinum reynda Þorvarði Ólafssyni (2230)

Jón Kristinn Þorgeirsson (2177) var snöggur að vinna frakkann Cecile Paillat (1485) með hvítu.

Mikael Jóhann Karlsson (2138) átti ekki í vandræðum með Þorstein Magnússon (1301)

Gylfi Þórhallsson (2084) var einnig fljótur með sína skák. Hann lagði Alexander Björnsson (1000) af velli

Ulker Gasanova sat hjá í 1. umferð.

Skákir okkar fólks úr fyrstu umferð:

Flokkur: Spil og leikir | Breytt 11.3.2015 kl. 15:05 | Facebook

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um félagið

Skákfélag Akureyrar

Skákfélag Akureyrar var stofnað 10. febrúar árið 1919 og er meðal elstu félaga á Akureyri.

Félagið aðstöðu í Skákheimilinu í Íþróttahöllinni - gengið inn að vestan (Þórunnarstrætismegin).

Áskell Örn Kárason er formaður félagsins.

Netfang formanns er askell@simnet.is og þangað má koma upplýsingum og ábendingum um efni á heimasíðuna..

Skákfélag Akureyrar

Efni

Skákfélag Akureyrar