Hverfakeppnin

Undir lok árs fór hverfakeppnin fram. Eins og síðustu ár var skipt í tvö lið, Brekkan í öðru liðinu og Þorpið og Eyrin í hinu. Að þessu sinni voru 12 keppendur í hvoru liði. Fyrirfram voru sumir Þorparar ansi bjartsýnir enda vantaði suma af helstu skákmönnum Brekkunnar. Kvöldið hófst á einni atskák, 15 mínútur á mann, þar sem að Brekkan hafðu sigur með 7 vinningum gegn 5. Voru úrslit svo(Brekkan á undan):

 

*Rúnar Sigurpálsson - Ólafur Kristjánsson           1-0

*Jón Kristinn Þorgeirsson - Haraldur Haraldsson     1-0

*Sigurður Eiríksson - Sigurður Arnarson             1-0

*Gauti Páll Jónsson - Smári Ólafsson                1-0

*Andri Freyr Björgvinsson - Hjörleifur Halldórsson  1-0

*Sveinbjörn Sigurðsson - Eymundur Eymundsson        1/2

*Haki Jóhannesson - Kári Arnór Kárason              0-1

*Kristinn P. Magnússon - Hreinn Hrafnsson           0-1

*Karl E. Steingrímsson - Ari Friðfinnsson           1/2

*Óliver Ísak Ólason - Jón Magnússon                 1-0

*Gabríel Freyr Björnsson - Benedikt Stefánsson      0-1

*Gunnar Breki - Auðunn E. Þórarinsson               0-1

 

Þá var tekið til við hraðskákina. Tekin var bændaglíma þar sem hver liðsmaður tefldi eina skák við alla í hinu liðinu með 5 mínútna umhugsunartíma á hverja skák. Í fyrstu umferð vann Brekkan 8,5-3,5 en næstu umferðir voru jafnar og spennandi. Það var ekki fyrr en í lokaumferðunum að Brekkan seig fram úr og innbyrti að lokum stórsigur 80,5 vinningar gegn 63,5 vinningum Þorpsins. Rúnar Sigurpálsson var efstur brekkusnigla en hann hlaut 11 vinninga, næstir voru Jón Kristinn og Andri með 10,5. Hæstur þorpara varð Smári með 10 vinninga og næstur var Haraldur með 7,5. Brekkan náði að hefna fyrir ófarir síðasta árs. Gaman verður að sjá hvort að Þorpið muni eiga einhverja möguleika gegn ógnarsterkum brekkusniglum á árinu 2015.(Mótstafla að neðan)