Gylfi Þórhallsson Íslandsmeistari 60 ára og eldri í hraðskák

Fyrr í þessum mánuði lauk Friðriksmóti Landsbankans sem er Íslandsmótið í hraðskák. Héðinn Steingrímsson, sem kenndi okkar krökkum eina helgi nú í vetur, sigraði og er því Íslandsmeistari í hraðskák. Skákfélag Akureyrar óskar honum til hamingju með það. Í mótinu var keppt í nokkrum flokkum og okkar maður, Gylfi Þórhallsson, sigraði í flokki 60 ára og eldri og er því Íslandsmeistari í sínum aldursflokki. Hlaut hann 6,5 vinninga.

Skákfélagið er stolt af árangri Gylfa sem lengi hefur verið einn aðalmáttarstólpi félagsins.