Gamli aldursflokkurinn vann!

Aldursflokkamót var háð í gær, sunnudag og áttust þá við ungir og gamlir. Lið ellibelgja skipuðu þeir Áskell, Kristjan Hallberg, Hjörleifur, Haraldur og Sigurðar tveir, Eiríksson og Arnarson. Að meðaltali hafa þessir tórt í 62 ár. Ungliðahreyfingin var skipðu þeim Jóni Kristni, Gabríel Frey, Victori Erni, Garðar og Sigurði Þórissonum og Óliver Ísak. Þeir eiga færri ár að baki, eða 11 að meðaltali. Tefld var einföld umferð eftir sk. bændaglímufyrirkomulagi. Þar vóg reynslan þyngra en æskuþrótturinn og unnu þeir gömlu samanlagt 24-12. Flesta vinninga öldunga fékk sá yngsti í þeirra hópi, Sigurður Arnarson og vann hann allar sínar skákir. Jón Kristinn stóð sig að vonum best ungliða en Garðar fékk þrjá vinninga og Óliver tvo, sem verður að teljast harla gott gegn hinum marghertu stríðsmönnum í öldungaliðinu.