Símon vann 5. lotu Mótaraðarinnar

Símon Þórhallsson er í miklu stuði þessa dagana. Í dag tók hann þátt í sínu fyrsta móti eftir að hann kom heim frá útlöndum með svo mörg skákstig í farteskinu að hann þurfti að borga yfirvigt. Er skemmst frá því að segja að Símon vann mótið. Fast á hæla honum kom Áskell Örn Kárason með 8.5 vinninga. Hann tók forystu um mitt mót með því að vinna Símon, en hann tapaði í síðustu umferð og þar með komst Símon á toppinn. Þessir tveir voru í nokkrum sérflokki í kvöld. 11 þátttakendur mættu til leiks og var tefld einföld umferð, allir við alla með 5 mínútna umhugsunartíma á hverja skák. Úrslit má sjá hér að neðan.

Í heildarkeppninni hefur Jón Kristinn Þorgeirsson enn töluverða forystu.

 

Símon Þórhallsson	9
Áskell Örn	8,5
Sigurður Arnarson	6,5
Jón Kristinn	6
Tómas Veigar	5,5
Haraldur Haraldsson	5,5
Smári Ólafsson	5
Sigurður Eiríksson	3,5
Haki	3
Karl Steingrímsson	2,5
Kristján Hallberg	0

 

Sunnudaginn 9. þessa mánaðar fer fram forgjafarmót hjá Skákfélaginu og fimmtudaginn 13. verður Sigurður Arnarson með fyrirlestur sem hann nefnir Ólympíuafleikir.