HM öldunga

Laugardagur, 16. nóvember 2013

Þessa dagana fer fram Heimsmeistaramót öldunga, 60 ára og eldri, fram í Opatija í Króatíu. Meðal keppenda þar er formaður okkar Áskell Örn Kárason(2220) og er hann 61. stigahæsti af 201 keppendum.

Áskell hefur verið í miklu stuði til þessa og er í 11 sæti með 4 vinninga eftir 5 umferðir. Fjórir eru efstir með 4,5 vinning. Í þriðju umferð tefldi Áskell við alþjóðlega meistarann Igor Blechzin(2411) frá Rússlandi og vann í vel tefldri skák. Í fjórðu umferð tefldi hann við þýska fide meistarann Wolfgang Thormann(2271) og lauk þeirri skák með jafntefli.

Í dag, fimmtu umferð, var svo röðin komin að Evgen Chernov(2325) frá Úkraníu. Í hvössu afbrigði slavneskrar varnar kom Áskell vel út úr byrjuninni og vann í góðri skák.

Í 6 umferð teflir Áskell við alþjóðlega meistarann Amanmurad Kakageldyev(2384) frá Túrkemistan. Skákin (eins og margar af fyrri skákum Áskels) verður sýnd í beinni útsendingu á heimasíðu mótsins. Hún verður tefld á mánudaginn 18. nóvember en frídagur er á morgun.

Að lokum minnum við á afmælismót Þórs Valtýssonar á morgun, sunnudaginn 17 nóvember, klukkan 13.

- http://worldsenior2013.rijekachess.com/en

- http://chess-results.com/tnr98611.aspx?lan=1&art=1&rd=5&fed=TKM&flag=30&wi=821

- http://worldsenior2013.rijekachess.com/en/live-games

Skákir Áskels úr fyrstu 3 umferðunum fylgja með fréttinni.