Afmælismót

Í haust varð einn af okkar virkustu félögum, sjálfur Þór Valtýsson, sjötugur. Hann hefur lengi teflt fyrir félagið og að auki tekið að sér ýmiss störf fyrir það. Hann var lengi gjaldkeri félagsins og formaður um skeið. Lengi sá hann um skákkennslu í Brekkuskóla og kom mörgum yngri skákmönnum á bragðið. Fyrir fáum árum flutti Þór til Reykjavíkur en hefur alla tíð haldið tryggð við félagið og teflt fyrir hönd þess.

Á sunnudaginn munum við heiðra þennan síunga snilling og halda afmælismót. Afmælis-„barnið“ verður að sjálfsögðu á staðnum og tekur þátt í mótinu. Fyrirkomulag mótsins ræðst af fjölda þátttakenda sem verða vonandi margir en allir eru hjartanlega velkomnir.Skráning á staðnum. Mótið hefst kl. 13.00