Jón á kunnuglegum slóðum

Í Gær fór fram 5. umferð Mótaraðarinnar. Nýkrýndur Íslandsmeistari í sínum aldursflokki, Jón Kristinn Þorgeirsson, sigraði mótið og jók forskot sitt á sína helstu keppinauta, Áskel og Sigurð A. þar sem hvorugur þeirra átti heimangengt. Áskell er að tefla á heimsmeistaramóti öldunga og stendur sig vel en Sigurður er að jafna sig eftir hálskirtlatöku og stendur sig illa.

Í gær mættu 7 keppendur og tefld var tvöföld umferð, allir við alla. Því voru 12 vinningar í pottinum. Mótið var nokkuð jafnt eins og sjá má á úrslitunum sem eru hér að neðan.

1. Jón Kristinn 9,5 v

2. Sigurður E 8,0 v

3. Símon 7,5 v

4-5 Smári og Hjörleifur 5,0 v

6. Logi 4,0 v

7. Sveinbjörn 3,0 v