Sterkur formaður

Í kvöld fór fram 4. umferð Mótaraðarinnar. Nú mættu 9 keppendur til leiks og var tefld tvöföld umferð. Formaður félagsins, Áskell Örn Kárason fór hamförum við borðið og vann allar skákirnar nema þá síðustu. Þá laut hann í gras fyrir varaformanninum, Sigurði Arnarsyni. Á milli þeirra var ungstirnið Jón Kristinn Þorgeirsson.

Vinningar efstu manna urðu sem hér segir

Áskell 15 vinningar af 16.

Jón 13,5

Sigurður 11,5

Haraldur 8.5

Símon 7,5

Alls hafa 16 skákmenn tekið þátt í mótaröðinni það sem af er. Röð efstu manna þegar vinningar af þremur bestu mótunum eru reiknaðir saman er sú sama og í þessu móti nema hvað 4. og 5. sætið víxlast.