Æfingar að hefjast

Nú þegar berin eru orðin þroskuð og sultan komin í krukkur er kominn tími til að hefja skákæfingar á nýjan leik.

Æfingar barna- og unglinga nú á haustmisseri verða sem hér segir:

 

 

 

Almennur flokkur (7-12 ára) á mánudögum kl. 16.30-18.00. Fyrsta æfing 9. september. Aðalleiðbeinandi verður Andri Freyr Björgvinsson.

Framhaldsflokkur á miðvikudögum kl. 17.00-18.30. Fyrsta æfing 4. september. Umsjónarmaður og yfirkennari verður Sigurður Arnarson.

Auk þessara tveggja munu nokkrir merkismenn og –konur koma að skákþjálfun í vetur, s.s. Áskell Örn Kárason, Hjörleifur Halldórsson, Rúnar Sigurpálsson og Ulker Gasanova.  Mun Ulker t.d. sjá um sérstakar stelpuæfingar (verkefnið „Stelpur tefla skák“ í samstarfi við Samfélags- og mannréttindaráð), sem hefjast snemma í október.

 Aukaæfingar fyrir áhugasama verða í boði skv. nánara samkomulagi, þ.e. einkatímar og æfingar í 2-3 manna hópum.  Þetta fer af stað eftir miðjan september. Þá verða bráðlega auglýst þau mót sem haldin verða einungis fyrir yngri keppendur á haustmisseri. Öll almenn mót félagsins eru þeim að sjálfsögðu opin líka.

Æfingagjald fyrir haustmisseri er kr. 5.000. Þeir sem það greiða fá frítt inn á öll mót félagsins.

 

Munið svo STARTMÓTIÐ á sunnudag kl. 13!