Allt að byrja!

Startmótið á sunnudag!

Að venju hefst dagskrá Skákfélagsins að hausti á Startmótinu. Þar verður blásið til lúðrana kl. 13 á sunnudag. Við byrjum reyndar daginn áður með SKÁKDAGSKRÁ á Kaffi Ilmi í Skátagilinu. Þar hefst fjörið kl. 14 á laugardaginn. Dagskráin um helgina sem hér segir:

Laugardagur kl. 14.00. Teflt á Kaffi Ilmi. Í bígerð er Akureyrarmót í leifturskák og nokkrar snerrur í "heilinn og höndin" að öðru leyti geta menn bara mætt og teflt. Við vonumst til að sjá sem flesta félagsmenn- ekki verra ef þeir taka með sér gesti.

Sunnudagur kl. 13.00. Startmótið. Fyrirhugað var að tefla á Kaffi Ilmi í þetta sinn, en við látum veðrið þó ráða skákstað. Menn eru beðnir um að fylgjast með hér á síðunni - endanleg ákvörðun um skákstað verður tekin í síðasta lagi á laugardag. 

Að Startmótinu loknu hefst svo haust- og vetrardagskrá fyrir alvöru - að jafnaði teflt á fimmtudagskvöldum kl. 20 og á sunnudögum kl. 13. Sunnudaginn 15. september heldur félagið aðalfund sinn og þá verður gaman.  

Sjáumst á Kaffi Ilmi á laugardag! Skák er skemmtileg!

Stjórnin