Coke-mótið: Jón Kristinn með fullt hús!

Á fimmtudaginn fór fram hið árlega Coca Cola hraðskákmót Skákfélagsins. Níu keppendur mættu til leiks og er skemmst frá því að segja að Jón Kristinn Þorgeirsson sigraði örugglega og vann allar sínar átta skákir. Í öðru sæti var Haraldur Haraldsson með 6 vinninga. Logi Jónsson og Sigurður Arnarson komu næstir með 5 vinninga en aðrir fengu færri. Athygli vakti að Sigurður Eiríksson tapaði fyrstu fjórum skákunum en vann svo rest og endaði í 5. sæti. Nafni hans Arnarson hafði þetta á hinn veginn. Vann fyrstu fjórar en fékk aðeins einn vinning úr seinni fjórum.