VÍS vann þriðja riðil firmakeppninnar

Smári Ólafsson er til alls VÍS, sérstaklega þegar kemur að manntafli. Sem fulltrúi tryggingafélagsins góðkunna vann hann sigur í þriðja undanrásariðli firmakeppni SA í dag. Helsti keppinautur VÍS í þetta sinn var, eins og á tryggingamarkaðnum alla daga, TM,  sem tefldi í þetta sinn fram Áskatli Erni Kárasyni.  Gæðakokkarnir á Krua Siam höfnuðu svo í þriðja sæti og hafði Sigurður Eiríksson orð fyrir þeim. Heildarúrslit sem hér segir:

 

VÍS (Smári Ólafsson)	12
TM (Áskell Örn Kárason)	11½
Krua Siam (Sigurður Eiríksson)	8½
KPMG (Hjörleifur Halldórsson)	8
Efling Sjúkraþjálfun (Sveinbj. Sigurðsson)	7
Vífilfell (Haki Jóhannesson)	6½
Kjarnafæði (Karl Steingrímsson)	2
Verkfræðist.Norðurl. (Atli Benediktsson)	½

Nú fer að styttast í úrslitin í keppninni. Þessi 9 fyrirtæki hafa nú unnið sér sæti í úrslitakeppninni, sem áætlað er að verði háð 16. maí nk.:

• Brimborg
• Norðurorka
• Kristjánsbakarí
• Gullsmiðir S&P
• Heimilistæki
• Kaffibrennslan
• VÍS
• TM
• Krua Siam

Síðasti undanrásariðill verður svo háður nk. fimmtudagskvöld kl. 20.