Landsmótið í skólakskák:

Jón og Símon í toppbaráttu.

Landsmótið i skólaskák stendur nú yfir á Patreksfirði.  Þar eru Jón Kristinn Þorgeirsson og Símon Þórhallsson fulltrúar Norðurlands eystra í eldri flokki og Óliver Ísak Ólason í yngri flokki. Óliver hefur átt erfitt uppdráttar, enda í fyrsta sinn sem hann teflir á móti af þessu tagi. Hann fær hér mikilvæga reynslu sem mun duga honum vel í framhaldinu. Hann á enn eftir tvö ár í yngri flokki. Óliver hefur unnið tvær skákir af níu. 

Þeir Jón Kristinn og Símon búa af reynslu frá fyrri mótum og hafa spjarað sig vel. Jón er í harðri baráttu um sigurinn í flokknum, hefur gert tvö jafntefli en unnið aðrar skákir. Símon hefur 6,5 vinning úr 9 skákum og á góða möguleika á þriðja sætinu, sem myndi gefa okkar umdæmi aukasæti á mótinu að ári. 

10. og næstsíðasta umferð stendur nú yfir. Sjá nánari umfjöllun um mótið á skak.is.