Páskadagskrá

Nú nálgast páskarinir og eins og venjulega er mikið um að vera í skákheimum. Í London kljást 8 meistarar um réttinn til að skora Anand heimsmeistara á hólm og þar slær hjartað með frænda okkar Magnúsi Carlsen, sem er afkomandi þeirra norsku víkinga sem áttu ekki fyrir farinu til Íslands á sínum tíma.

Hér á Akureyri verður þetta helst í boði:

Fimmtudaginn 21. mars  kl. 20       TM-mótaröðin, taka 6.

Sunnudaginn 24. mars kl. 13          Bikarmót SA. Mótinu verður svo fram haldið á skírdag og föstudaginn langa, hefst báða dagana kl. 13. Um er að ræða útsláttarkeppni, keppendur falla út eftir 3 töp (jafntefli=1/2 tap). Tefldar verða atskákir.  Ef heilladísirnar leyfa geta verið páskaegg í verðlaun.

Annar í páskum, 1. apríl. Páskahraðskákmótið kl. 13.00. 

Umsjónarmaður páskamótanna er Hjörleifur Halldórsson, s. 696-4512