Skákþing Norðlendinga í kvennaflokki

Eins og menn og konur rekur minni til var háð sérstök keppni í kvennaflokki á Skákþingi Norðlendinga í fyrra og tókst vel. Nú verður leikurinn endurtekinn í umsjá Hjörleifs Halldórssonar, eins og í fyrra. Í ár fer mótið fram í Grunnskólanum á Dalvík þann 23. mars nk. og hefst kl. 13. Teflt verður í matsal skólans. Fjöldi umferða fer að einhverju leyti eftir þátttöku, en í fyrra voru tefldar 7 atskákir.

Nánari upplýsingar gefur téður Hjörleifur í síma, 696-4512 og má skrá þátttöku hjá honum, en einnig á skákstað við upphaf móts.

Fyrir áhugasama má geta þess að stefnt er að því að SÞN í opnum flokki fari fram á Sauðárkróki dagana 19-21. apríl nk.