Góður dagur norðanmanna!

9. og næstsíðasta umferð N1 Reykjavíkurmótsins lauk í dag og stóðu okkar menn sig með stakri prýði.

Áskell vann þjóðverjann Juergen Kleinert (1991) og er með 5 vinninga fyrir lokaumferðina.

Jón Kristinn sigraði svissneska skákmanninn  Marcel Marentini (2069) og er einnig með 5 vinninga.

Mikael gerði jafntefli við Braga Halldórsson (2180) og er með 4,5 vinninga.

Gylfi sættist á skiptan hlut í viðureign við sænska skákmanninn Robin Karlsson (1980) og er einnig með 4,5 vinninga

Stefán lagði þýska skákmanninn  Joerg Mehringer (1908) og fyllir hóp þeirra sem hafa 4,5 vinninga

Óskar Long lagði Þorstein Leifsson (1759) að velli og er með 3,5 vinninga

Eina tapskák okkar manna í dag átti Símon sem varð að lúta í gras fyrir Bandaríkjamanninum Gregorv Hisnay (1778) Símon er með 3 vinninga.

Árangur Jóns er sérstaklega eftirtektarverður. Hann er með flesta vinninga okkar manna ásamt formanninum og er með árangur sem jafngildir 2010 skákstigum og hefur unnið sér inn 31,8 stig fyrir árangurinn. Á styrkleikalista mótsins er hann í 180. sæti en nú er hann í 98. sæti.