Barna- og unglingakeppni við Þingeyinga

Í gær fór fram héraðskeppni í skák milli Eyfirðinga og Þingeyinga í Stórutjarnaskóla. Keppendur voru á aldrinum 16 ára og yngri. Bæði lið mættu með 12 keppendur og var þeim skipt í tvo sex manna hópa; reyndir keppendur og minna reyndir keppendur. Keppnisfyrirkomulagið var bændaglíma í hvorum hópi þannig að allir tefldu sex skákir með 10 mín. umhugsunartíma á mann.

Úrslit urðu þau að lið Eyfirðinga, sem saman stóð af 9 keppendum úr SA og 3 úr Valsársskóla vann nokkuð öruggan sigur í hópi keppenda með reynslu. Okkar menn hlutu þar 28 vinninga gegn 8. Mun jafnari keppni var í flokki keppenda með minni keppnisreynslu og réðust úrslitin ekki fyrr en í síðustu umferð. Eyfirðingar höfðu betur og fengu 19 vinninga en Þingeyingar 17.  

 Í hópi reynslumeiri keppenda fóru leikar þannig að Andri Freyr Björgvinsson vann allar sínar skákir. Hinn ungi Óliver Ísak fékk 5,5 vinninga af 6 mögulegum og Tinna Ósk og Sævar Gylfason  hlutu 5 vinninga. Í hópi Þingeyinga stóð Hlynur Snær Viðarsson sig best og fékk 4,5 vinninga eða rúmlega 56% vinninga heimamanna.

Óliver var ekki sáttur við árangur Andra þrátt fyrir að Andri færi með sigur af hólmi í öllum sínum skákum. Honum fannst að Andri hefði átt að vera fljótari að vinna!

Í hinni jöfnu keppni reynsluminni keppenda stóð Þingeyingurinn Jakbu Statkiewicz sig best og hlaut 5,5 vinninga. Í liði Eyfirðinga hlutu allir yngri keppendurnir 3 vinninga nema Hafdís sem hlaut fjóra vinninga.

Árangur einstakra keppenda var sem hér segir:

Eyfirðingar

Andri  6 vinningar af 6 mögulegum.

Tinna 5

Oliver 5,5

Magnús 3

Guðmundur 3,5

Sævar 5

Ragnar 3

Þorri 3

Hafdís 4

Gabríel 3

Ísak 3

Auðunn 3

 

Þingeyingar

Hlynur 4,5

Valur 2

Bjarni 1

Ari 0,5

Jón 0

Helgi 0

Ásgeir 2

Eyþór 4

Jakbu 5,5

Arnar 2

Bjössi 1,5

Kristján og Hafþór 0

Keppnin var drengileg og öllum krökkunum til sóma.

Hjörleifur Halldórsson, Sigurður Arnarson og Hermann Aðalsteinsson voru mótsstjórar. 

Hér með þökkum við Hermanni alsherjargoða fyrir hans þátt í mótinu og er það von okkar að þetta verði árlegt mót hér eftir.