Norðurlandamótið í skólaskák

Prýðisárangur hjá Mikael og Jóni

 

Norðurlandamótið í skólaskák var háð á Bifröst í Borgarfirði nú um helgina. Keppnin fór fram í fimm aldursflokkum og tefla 12 krakkar í hverjum flokki. Af 10 fulltrúum Íslands eigum við skákfélagsmenn tvo, þá Mikael Jóhann Karlsson og Jón Kristin Þorgeirsson. Báðir stóðu sig með sóma á mótinu og náði Mikael 3. sæti og bronsverðlaunum í A-flokki (18-20 ára) með 3,5 vinningum í 6 skákum. Jón tefldi í C-flokki (14-15 ára) og mátti láta sén nægja 2,5 vinning eftir að hafa tapað tveimur síðustu skákum sínum. Báðir tefldu þeir við mun stigahærri andstæðinga í flestum sinna skáka og bættu sig verulega að stigum; Mikael hækkar um 10 stig á mótinu og Jón um 13 stig.

Við skákfélagsmenn sendum þeim báðum árnaðaróskir; þeir eru báðir að bæta sig og munu gera enn betur næst!

 Sjá ennfremur frétt um mótið á skak.is og öll úrslit á Chess-Results: http://www.chess-results.com/tnr90104.aspx?art=0&lan=1&flag=30&wi=821