Norðanmenn standa sig vel á Kornaxmótinu

Þrír félagar okkar í SA tefla á Kornaxmótinu í Reykjavík. Í gær lauk 8. og næst síðustu umferð mótsins. Í henni tefldu Þór Valtýsson og Mikael Jóhann Karlsson í beinni útsendingu, tefldu vel og unnu sínar skákir. Í lokaumferðinni mæta þeir Omar Salama og Davíð Kjartanssyni sem eru efstir og jafnir fyrir umferðina. 

Mikael er 4. á mótinu sem stendur. Hann hefur 6 vinninga og hefur hækkað um 16,6 alþjóðleg skákstig fyrir frammistöðuna hingað til. Í síðustu umferð lagði hann stórmeistara kvenna, Lenku Ptácníkovu.

Þór er í 7. sæti, hefur 5,5 vinninga og hefur hækkað um 5,5 skákstig.

Þriðji félagi okkar er Óskar Long. Hann hefur fjóra vinninga, er í 29. sæti og hefur hækkað um 13,1 stig fyrir frammistöðuna. Óskar hefur sýnt miklar framfarir að undanförnu og í þessu móti hefur hann m.a. lagt af velli skákmann sem er 400 skákstigum hærri. 

Nánari upplýsingar má sjá hér http://chess-results.com/tnr89341.aspx 

Við óskum félögum okkar góðs gengis í lokaumferðinni en þá verða Þór og Mikki í beinni útsendingu og geta skákir þeirra ráðið úrslitum í mótinu.