TM-mótaröðin hefst í kvöld

Hraðskák er mikið iðkuð hjá Skákfélagi Akureyrar. Flestum er það til ánægju, þótt einnig séu til þeir skákkappar sem kjósa fremur grundaða íhugun hægari skáka og láta sjaldan sjá sig þegar hætta er á klukkubarningi. Á haustmisseri öttu menn kappi í röð móta sem alls urðu 8 talsins. Þar kepptust menn við að safna vinningum og var sá krýndur sigurvegari mótaraðarinnar sem fékk þá flesta úr 7 mótum samanlögðum. Sá sem þetta afrekaði var ungstirnið Jón Kristinn Þorgeirsson eftir harðn slag við varaformann félagsins Sigurð Arnarson lúpínuvin. Það kom fyrir að mótaröðin í haust var kennd við TM, en það var óvart. Hin eiginlega TM-mótaröð, kennd við Tryggingamistöðina, á sér stað nú á vormisseri. Stigasöfnun verður með svipuðum hætti og á röðinni nú í haust og er fyrsta mótið nú í kvöld. Tefldar verða fimm mínútna skákir og og megi sá slyngasti og handfljótasti vinna.

Taflið hefst kl. 20