Komin á kreik á ný!

Heimasíðan okkar hefur verið óvirk um tíma vegna misskilnings. Nú er málið leyst og hún orðin virk á ný.

Það sem gerðist markverðast á þeim tíma sem hún lá í dvala var velheppnuð uppskeruhátíð þann 16. september, þar sem m.a. voru veitt verðlaun fyrir Mótaröðina (1. Jón Kristinn, 2. Sigurður Arnarson, 3. Sigurður Eiríksson), fyrir mánaðarleg 15 mín. mót (Tómas Veigar 2, Sigurðar eitt mót hvor) og Atskákmót Akureyrar (1. Tómas Veigar, 2. Áskell, 3. Hjörleifur).

Hátíðin hófst reyndar á því að þeir Jón Kristinn og Andri Freyr tefldu einvígi um sigurinn á haustmóti yngri flokka, en þeir urðu jafnir í efsta sæti á því móti á dögunum. Jón Kristinn vann einvígið 2-0 og er því skákmeistari félagsins í yngri flokkum 2012. Annars veitt verðlaun í þremur flokkum á þessu móti:

14-15 ára: 1. Andri Freyr Björgvinsson, 2. Aðalsteinn Leifsson

12-13 ára: 1. Jón Kristinn Þorgeirsson, 2. Tinna Ósk Rúnarsdóttir, 3. Benedikt Stefánsson

11 ára og yngri: 1. Óliver Ísak Ólason, 2. Tumi Einarsson, 3. Guðbjartur Daníelsson

Svo voru veitt verðlaun fyrir besta ástundun á æfingum nú í haust og hlutu þau Jón Kristinn í framhaldsflokki og Ísak Svavarsson í almennum flokki.

Allt fór þetta prýðilega fram.

Í gær, 27. desember tók Jón Kristinn Þorgeirsson svo á móti viðurkenningu íþróttaráðs fyrir tvo Íslandsmeistaratitla; sigurinn í yngri flokki í skólaskák í maí og á Íslandsmóti í piltaflokki (13 ára og yngri) í nóvember.