Uppskeruhátíð á sunnudag!

Sunnudaginn 16. des komum við saman í Skákheimilinu og gleðjumst yfir uppskeru haustsins. Allir skákmenn og skákunnendur eru hvattir til að mæta!

Við byrjum kl. 13 þegar þeir Jón Kristinn Þorgeirsson og Andri Freyr Björgvinsson munu tefla tveggja skáka einvígi um sigurinn á Haustmóti yngri flokka þar sem þeir urðu jafnir og efstir. Verðlaunaafhendingin byrjar svo um kl. 13.30.
Að henni lokinni verður boðið upp á smáhressingu og aldrei að vita nema heppinn gestur fái einhvern jólapakka. Í lokin verður svo létt taflmennska. M.a.verður í fyrsta sinn hjá félaginu gerð tilraun með fyrirkomulagið "hugur og hönd", þar sem tveir eru saman í liði.

Veitt verða verðlaun fyrir eftirfarandi mót í haust :

Startmótið

Haustmót yngri flokka, 3 aldursflokkar

Atskákmót Akureyrar

Mótaröðin

15 mín mót sept,okt, nóv og des