Fyrsti fyrirlesturinn á fimmtudagskvöld

Nú eru að hefjast á ný hinir margrómuðu fyrirlestrar í Skákheimilinu. Í þetta sinn mun Áskell Örn Kárason segja frá ólympíuskákmótinu í Manila 1992 og þátttöku íslensku sveitarinnar þar.  Mótið í Manila komst á spjöld sögunnar sem eitt glæsilegasta ólympíumót allra tíma og árangur okkar Íslendinga var einn sá besti sem náðst hefur, eða 6. sætið. Áskell var á staðnum sem farastjóri Íslendinganna og kann frá mörgu að segja.

Um helgina verða svo þrjár síðustu umferðir haustmótsins leiknar.