Haustmót SA - Arionbankamótið

Spennan eykst í  Haustmóti Skákfélagsins sem nú kallast Arionbankamótið. Fyrir 4. umferð, sem fram fór í dag, voru Tómas Veigar og Smári Ólafsson efstir og jafnir. Þeir töpuðu báðir sínum viðureignum i dag. Smári fyrir Rúnari Ísleifssyni en Tómas mætti ekki gegn Sigurði Arnarsyni. Staðan er nú sú að Sigurður og Rúnar eru efstir og jafnir með þrjá vinninga, ásamt Sigurði Eiríkssyni, sem í dag vann sannfærandi  sigur á Hreini Hrafnssyni.  Þrír skákmenn fylgja forystusauðunum eftir með hálfum vinningi minna. Að öðrum skákum er það að frétta að Ólafur vann Símon, Sveinbjörn lagði Andra Frey og  Einar Garðar sigraði Jón Kristinn.

Staðan eftir 4 umferðir

Sigurður Eiríksson, Sigurður Arnarson og Rúnar Ísleifsson 3 vinningar

Ólafur Kristjánsson, Smári Ólafsson og Tómas Veigar Sigurðarson 2,5 vinningar

Einar Garðar Hjaltason og Sveinbjörn Sigurðsson 2 vinningar

Hreinn Hrafnsson 1,5 vinningar

Símon Þórhallsson og Jón Kristinn Þorgeirsson 1 vinningur

Andri Freyr Björgvinsson 0 vinningar.

 

Pörun næstu umferðar má sjá á http://chess-results.com/tnr81882.aspx?art=2&rd=5&lan=1