Evrópumeistaramót barna og unglinga í Prag:

Góður endasprettur hjá Jói Kristni

Glæsilegu Evrópumóti barna og unglinga er nýlokið í Prag í Tékklandi. Mótið var fjölmennt og geysisterkt; keppt var í 6 aldursflokkum hjá báðum kynjum Okkar bráðefnilegi meistari Jón Kristinn Þorgeirsson, tefldi í flokki 14 ára og yngri og átti þar við ramman reip að draga. Jón var með yngstu keppendum í flokknum og var raðað að stigum í 118 sæti af 141 keppenda.  Hann var ófarsæll í bryjun og tapaði fjórum fyrstu skákum sínum en beit þá í skjaldarrendur og lauk mótinu með sóma, fékk 3.5 vinning í 9 umferðum. Jón tefldi upp fyrir sig í flestum skákum og hækkaði lítillega á stigum með þessum árangri. Á efa er mótið dýrmætt innlegg í reynslubankann og ekki við öðru að búast en Jón verði stórtækur á því keppnistímabili sem nú fer í hönd. 

Við félagar hans í Skákfélaginu sendum honum hamningjuóskir með árangurinn, ekki og síst þann styrk sem hann sýndi með því að rífa sig upp eftir slaka byrjun. Nánar má sjá árangur Jóns hér