Firmakeppni og áhorf

Á morgun, sunnudag kl. 13.00 fer fram úrslitaviðureignin í firmakeppni Skákfélags Akureyrar. Allir áhugamenn um skák eru hvattir til að mæta og taka þátt.

Kl 14.45 sama dag verður úrslitaeinvígið í atskák haldið í sjónvarpssal. Oss, skákfélagsmönnum, hugnast að fylgjast með viðburðinum í húsakynnum vorum. Munum vér mæta í salarkynni félagsins og fylgjast með viðburðinum ef netsambandið bregst ekki.

Á fimmtudaginn 17. maí  fer fram 5. umferð í hart nær jafn spennandi og mikilvægu móti. Þar kljást Anand og Gelfand um heimsmeistaratitilinn í skák. Umferðin hefst kl. 11 og er ætlunin að fylgjast einnig með þeim viðburði. Öllum er heimil þátttaka.